21 Наурыз – бірлік пен ынтымақтың, жаңару мен молшылықтың мерекесі. Бұл күндері адамдар бір-біріне құрмет көрсетіп, татулық пен ауызбіршілікті дәріптейді.

“Ынтымақ” сөзі береке-бірлік, татулық ұғымдарының баламасы ретінде қолданылады. Халқымыз бірлік пен ынтымаққа ерекше мән беріп, оны өмірдің өзегі деп білген. Осы құндылықтың маңызын «Ырыс алды – ынтымақ», «Бірлік болмай – тірлік болмас», «Ынтымақ түбі – игілік» деген даналық сөздер арқылы жеткізген.

Бүгінде Қазақстанның өсіп-өркендеуінде халықтың ортақ мақсат-мүдде жолында бірігуі, берекесі мен татулығы негізгі тірек болып отыр.

Мереке әр шаңыраққа құт-береке, ырыс-несібе әкелсін! Ел іргесі аман, ынтымағымыз бекем болсын!