Бүгін наурызнаманың алтыншы күні – ЖАҢАРУ күні! Бұл күн – ежелден халқымыз үшін рухани және табиғи жаңғырудың белгісі болған.

Жаңару күні – тек табиғаттың емес, адамның да ішкі жан-дүниесінің тазаруы мен жаңғыруының нышаны. Осы күні ата-бабаларымыз үй ішін тазартып, ескі-құсқыдан арылып, жүректерін де кірбіңнен тазартқан. Бұл күнді «Жаңа өмірге қадам басу» деп те атайды.

Наурызнама күнтізбесіндегі әрбір күннің өзіндік мәні бар. Соның ішінде Жаңару күні – өткенге салауат айтып, болашаққа тың серпінмен қарау күні. Қыс бойы тұншығып жатқан табиғат оянып, көктемгі күннің нұры жерді жылытса, адамзат та өз өмірінде жаңа парақ ашуға дайындалады.

Жаңару – әрбіріміздің өмірімізге жаңашылдық пен жаңа қуат сыйлайтын сәт!

Баршаңызға жарқын көңіл-күй, сәттілік және мол қуаныш тілеймін!